Gulrotsuppe med gulrotchips
Du treng:
Gulrotchips:
- 1 gulrot
- 1 ss olivenolje
- litt havsalt
Gulrotsuppe:
- 1 gul lauk
- 2 ss smør
- 700 g skrelte gulrøter
- 1 tomat
- 1 chili
- 10 g fersk ingefær
- 1 l grønsak-kraft
- 2 dl fløyte
- 2 klyper muskatnøtt
- 1 ss honning
- salt og pepar etter smak
- 4 ss graskarkjernar
Slik gjer du:
Lag gulrotchipsen. Skjer tynne flak av gulrota med ein ostehøvel. Ha det i ein bolle og bland det godt med olivenolje og salt. Legg gulrotflaka på eit steikebrett med bakepapir. Gulrotflaka må ikkje ligge oppå kvarandre.
Steik på 200 grader i ca. 15 minutt eller til dei er gylne og sprø.
Lag suppa. Kutt lauken i bitar og steik han blank i ein kjêl med smør. Ha i vatn eller kraft. Reinsk gulrøtene, del dei i grove bitar og ha dei i kjelen. Kutt tomat, ingefær og chili i bitar og ha det i kjelen. Kok i ca. 1 time.
Ta ein stavmiksar og mos det heilt fint i kjelen. Ha i fløyten og smak til med salt, pepar og honning. Kok nokre minutt, og suppa er klar til servering.
Rist graskarkjernane lett i panna med litt salt.
Ha suppa i djupe tallerkenar og legg gulrotchips og graskarkjernar oppå suppa. Server saman med godt brød.