Dørene opna klokka 13.00, og vi serverte julemiddag, med medisterkaker, julepølser, kålrabistappe, surkål og poteter. I tillegg kunne ein få kjøpe risengrynsgraut, riskrem med raud saus, lussekattar og kaker. Folk tok seg tid til å både ete, prate, og handle på mini-julemessa, der ein kunne få kjøpt blant anna heimelaga barnekle, julepynt, steinheller med trollmåleri og røykjelaks. Kaféen heldt ope til klokka 17.30, slik at mange hadde sjans til å komme innom etter skule og arbeid. Tilbakemeldingane frå bygdefolket er at dette er noko ein må halde fram med, sidan det er ein viktig sosial møteplass for alle i bygda, uansett alder, og uansett om ein vil ha full pakke med middag og dessert, eller berre ta seg ein kaffi. Takk til alle bygdekvinnene som gong på gong stiller opp med planlegging, rigging, kakebaking, matlaging, servering, sal og rydding!

Bilde lånt med løyve frå Firda Tidend, teke til deira sak om kaféen: https://www.firdatidend.no/reportasjar/inviterte-heile-bygda-til-trivel…