Den årlege Førjulskaféen har brukt å gå av stabelen i slutten av november, men vart i år flytta til torsdag 7. desember, grunna oppsetjing av modulbygga som skal huse skulen framover. Frå kl 13.00 til 17.30 vart det servert julemat i samfunnshuset: Det var medisterkake og julepølse, risengrynsgraut, og riskrem, kaker og kaffi. På julemessa kunne ein få kjøpt alt frå røykjelaks og steinheller med fine troll, til gryteklutar og kort, og barnekle i friske fargar og mønster.