Ein fin liten gjeng med damer møtte opp midt i julestria og høyrde Marie B. Myklebust og Inger Gule Gimmestad fortalde om og viste lappeteknikk/quilting. Det vart vist fram både løparar, dukar, bilete, og store og tidkrevande sengeteppe og og mykje anna flott. Lappeteknikk er naturleg nok også eigna til gjenbruk og redesign, og vi fekk sjå vesker og anna småarbeid laga av gamle skjorter, dongeribukser, gamle broderiarbeid med meir. Det vart også tid til nokre julesongar og litt opplesing og utlodning.  Serveringa besto av gløgg og julebrød, slik det høver seg på ein førjulskveld, og etterpå kunne dei frammøtte sjå nærmare på quilte-arbeida og til og med kjøpe nokre utvalde produkt. Ein triveleg førjulskveld!