Kor mange år Sirdal bygdekvinnelag har organisert persesyltekveld, er me usikre på, men me held framleis på krydderblandingen Torbjørg Haugen byrja med.

Dette er populært, og i år var det åtte damer, derav fleire nye medlem, som møttes for å gjera unna ei av juleførebuingane saman.

Det største arbeidet er å koka svineknokar til fleire på ein gong, men det går stort sett godt. Då vonar me sylta smakar godt når ho kjem på bordet til jul.