Det var godt frammøte då Hol BK gjesta Hovet Kultur og aktivitetssenter tysdag kveld. Omvisninga starta i underetasjen hjå Irene Grøgard som her har fått eit stort lokale til produksjon av Grogard FURUGARDINER, Grogard AS. Vi fekk sjå eit imponerande arbeid, ein imponerande og spennande arbeidsprosess! I fyrste høgda var det store endringar sidan Hovet skule vart lagt ned i 2015. Ingen rom var attkjennande. Her installerer "Leif & Lorry" (Leif Aulie og ein kamerat frå Island.) seg med MØBELdesign- og produksjon.. Me fekk sjå ein fin video av utruleg flotte møbelløsningar. I andre høgda held BILLEDKUNSTNAR Gunnveig Nerol til. Her også var det såå mykje interessant og imponerande å sjå. Ho fortalde ein del om prosessen av ulike type kunstarbeid. Me fekk beundre mange av hennar kunstverk som ho no har plass til å ha framme.

Foto: (til venstre) Spennande for ein bunadstilvirker å finne det rette materialet. (til høyre) Ved veven. Foto: Inger Margrethe Medhus     

Klasserom nr. 3 hadde ikkje Gunnveig brukt for, så her flytta det inn 3 utruleg dyktige damer med fellesnemnar SAUM. Anne Marit Nerol og Guro Espegard er bunadstilvirkarar ( syr bunader og folkedrakter med gamle handsaumteknikkar heller enn symaskin), og Kari Drønen med saum av klesplagg. Vi ønsker alle handverkarane LYKKE TIL vidare i arbeidet! Etter omvisninga var det ost ( frå Hol Ysteri ) og kjeks og kaffi. Tusen takk til Anne Marit, Anne Lise og Kjersti for ein flott BK-kveld. im