Gåvedryss frå SpareBank1 stiftinga Kvinnherad
I kveld hadde SpareBank1 stiftinga i Kvinnherad gåvedryss i Kulturhuset på Husnes. Omvikdalen bygdekvinnelag vart tildelt to gåvekort, kr. 10.000,- til jentehobbyklubben, og kr. 35.000,- til tiltak i barnehagen.
Grethe takka for begge tildelingane, og fortalte om dei to tiltaka, og kva desse pengane skal brukast til. Det var ekstra kjekt at både styreleiaren Svein Arne Eidsvik og varaordførar Hilde Enstad trekte fram kor viktig det er å integrera nye borgarar i samfunnet. Nettopp det jentehobbyklubben gjer! Kanskje får styreleiaren rett, når han spøkte med at dagens barnehageborn i Omvikdalen blir framtidige gourmetkokkar :)