Meir enn tretti Bygdekvinner var samla på Ål Ungdomsskole til "Søppelmøte".  Torgeir Vestenfor hadde fyrst ein orientering om systemet og arbeidet ved Hallingdal Renovasjon.Han gav ein del svar på følgjande spørsmål: Kva kan vi gjere som enkeltmenneske og som lokalsamfunn for å ha ein miljøprofil i kvardagen? Kva hensikt har søppelsortering? Kva skjer i Kleivi (renovasjonsanlegget). Etter innlegget hans gav Liv Margit Sørbøen oss tips om bruk av restemat, Grønne Kvardagstips. Me fekk sorteringsquiz! Svært interessant!

Så bar det inn på skulekjøkkenet! Her laga me ein tre rettars middag på "restemat". Kremet grønsaksuppe. Pai med kjøtrester. Tilslørte Bygdekvinner. Etter matlaging hadde me eit svært så triveleg bordsete med deileg mat og ein god prat. Det vart eit lite innlegg frå sonerepresentanten som var så heldig å få vere med på denne interessante kvelden.

Takk til alle laga for ein fin kveld. Inger Margrethe