13 interesserte damer fyllte opp bilane og køyrde sørover Romsdalen til Lesja. Sofia tok imot. Med alle utfordringane dei har hatt i vår og sommar vart vi verkeleg imponerte over at ho orka å ta imot og vise oss rundt i hage og drivhus. Å drive med grønsaker 600 meter over havet er ganske annleis enn å drive i låglandet. Denne sommaren har vertilhøva gjort det ekstra krevjande. Vi er ikkje vane med at det er så vått på Lesja - til vanleg eitt av tørraste områda i landet!

I etterkant fekk vi servert nydeleg pizza + kaffi og heimelaga tiramisu på Avdemsbue. Gode og mette gjorde vi innhogg i dei spennande varene i bua. 
Tusen takk for ein minnerik kveld til dei dyktige jentene på Avdem!