Fredagskaféen vart arrangert fire gongar: 3. februar, 10. februar og 17. februar og 10. mars. Ein femte gong, 3. mars, var planlagt, men måtte avlysast. Første gong var det ca 50 personar innom, og dei andre gongane mellom 30 og 20. Vi fekk også nokre stamkundar, som kom innom alle fire gongane! Det som vart selt var kaffi, te, vafler, ostekake, kanelbollar, rundstykke/skjeve, og nokre gongar platekake og risbollar. Vi hadde også brus, og most frå Gardsbrenneriet. Kaféen hadde også leikematte og klossar for små (og store!) Lokalet, som var 2. etasje på Columbus, fekk vi låne av Brødrene Aa v/Oddrun Aa. Ho hjelpte oss også med mykje av det praktiske i samband med kafédrifta! Tusen takk for dette!