For ei tid sidan fekk me spørsmål om me ville vera partnarar i eit EU/EØS prosjekt saman med ein organisasjon frå Polen. Me tykte det høyrdest interessant ut, og skreiv under på samarbeidskontrakten. Organisasjonen fekk midlar, og i mai fekk me melding om at alt var klart. Prosjektet dekkjer alle utgifter til besøket me har hatt frå Polen, og til besøk for fire personar frå bygdekvinnelaget i Warszawa og Raszyn, ein forstad til Warszawa.

Magdalena og Joanna fekk eit innhaldsrikt opphald her. Dei fekk møta representantar frå pensjonistlaget, helselaget og biblioteket, og dei arrangerte verkstad, der både born og vaksne fekk laga decoupage. Vidare var dei på besøk i eldhuset. Dei såg på bakinga, og fekk informasjon om krotakakebaking i Hardanger. Litt smaking vart det og. Museet på Utne og særleg bunadane og bunadsarbeidet me driv med, var dei svært interesserte i. Den siste dagen var dei innom den store Sommarbasaren vår. i tillegg fekk dei tid til utflukter i naturen