Stor medlemsauke!
No skine' det øve'. Medan me gler oss over at sola har funne vegen tilbake til Kinsarvik etter ein lang vinter, har 11 nye medlemer meldt seg inn i laget den siste veka! Det er så flott! Velkomen til kvar og ein!
Me er no 46 medlemer i laget. Med så mange, flotte medlemer kan me sjå fram til eit framleis aktivt lag i åra som kjem.
Det er god plass til fleire medlemer, så dersom du vil og kan vera med, er du velkomen i laget. Innmeldinga skjer på nettsida til Norges bygdekvinnelag. Ta kontakt med leiar dersom du har spørsmål.
Fram til 1. mars er Kinsarvik bygdekvinnelag saman med dei andre bygdekvinnelaga i Hordaland, med i tevlinga om å få flest nye medlemer. Dersom du tenker på å melda deg inn vert det ekstra stas om du gjer det innan den tid. Ryktet seier at me ligg godt an!
Velkomen skal du vera!