Bakekurs - Vossakling

8 stk var med på bakekurs for å læra å baka vossakling.

Me starta fredagskvelden med å koka smyrja, me kokte, rørde og smaka oss fram til to porsjonar me var fornøygde med.

Laurdagen var det å laga knåa som skulle vera akkurat passe, ikkje for fast og ikkje for laus.

Me laga emne, kjevla ut leivar og steikte på eine sida og la i press.

No var det på tide med ein liten matpause, betasuppen og vaflene fall i smak. Sidan veret var så fint, sette me oss ut i solveggen.

Så var det klart for neking og ny steiking av leivane, denne gongen på begge sider.

Neste steg var å bløyta leivane så dei vart klar for smyrjing, fyrst smør og så smyrja. Siste punkt var å klyppa dei opp i passelege bitar.

Etter alle desse prosessane var det endeleg klart for prøvesmaking av den ferdige klingen - og den fall i smak hjå alle

Takk til lærarane: Margunn, Målfrid og Tanya