Bygdekvinnekveld 6.mai 2025
Mange var samla på biblioteket denne kvelden, som hadde eit velfylt og interessant program.
Nestleiar Mette Natland Valdal ønskte velkomen, og gav oss ei påminning om kor viktig det er å
kunne samlast og kor heldige vi er som kan leve i eit fritt land.
Leiar Bjørg ønskte særskilt velkomen nestleiar i distriktsstyret Aud Solveig Malmedal, som også er
VBK sin fadder frå distriktsstyret. Aud Solveig fortalde om sin bakgrunn, om interessa som etterkvart
gjorde at ho vart aktiv i Bygdekvinnelaget, og i andre lag og foreiningar.
Vi fekk eit innblikk i kva som er hennar rolle som nestleiar i distriktsstyret, tiltak som ho engasjerer
seg i lokalt og om kontakter ho har til andre organisasjonar. Ho presiserte særleg arbeidet som blir
lagt ned i 4H og verdien av dette for barn og unge.
Kveldens høgdepunkt i programmet var forteljing i ord og bilde frå Inger og Arne Sandnes sine
opphald i Sudan og Zimbabve. Magne Krogh hadde bistått med å sette saman bilda til ein
presentasjon.
Først fekk vi høyre Inger si historie frå ho i 1976 reiste til Sudan som helsesøster for Kirkens
Nødhjelp. Ei sterk og rørande historie i det ukjende med dei utfordringar og fårar ein kunne møte
undervegs. Ei modig ung kvinne som utretta ei viktig gjerning!
Andre delen handla om familien på 7 sitt opphald i Zimbabwe frå 1993. Forteljingar knytt til
opphaldet deira der frå denne tida gjorde eit mektig inntrykk!
Leiar orienterte vidare om nytt frå styret, og tiltak som laget for tida er involvert i.
I mai månad er det mange arrangement på gang, i tillegg oppstart for dugnad i sansehagen.
Norges Bygdekvinnelag har motteke årets heiderspris for «Det Norske Måltid 2024»
I denne samanheng var det på sin plass å feire litt ekstra med innkjøpt kake.
Vertinnegruppe 3 hadde ansvar for servering og avvikling av åresal.
Gode kaker og mange fine gevinstar denne kvelden gjorde at fleire av oss fekk med fine blomar heim.
Takk for ein triveleg kveld!

Magnhild, - skrivar.

Foto: Judith og Bjørg