I år er det ekstra mykje lys rundt Valldal sjukeheim. I hagen har vi tidlegare hatt lys i paviljongen og på ei lita kjeglegran. I år hadde gjengen på Glimt ordna med lys i det nye drivhuset og eit fint tre som står inni. Dei hadde høgtideleg opning og tenning av lysa, - med gløgg og peparkaker og utlodning! Veldig fint!

På Gamlebygget lyser det også opp for tida, dei har fått fine, hengande lys på verandaen som snur mot vegen og kyrkja. Turid Løvoll er rask til å ordne opp når gode idear dukkar opp!