Vi har hatt 3 dugnadar i år, og også ein minidugnad på sommaren med luking og klipping.

Elles har det gått fint med vatning og pass av hagen. På Open omsorg har dei vore flinke til å vatne verandakassene med god hjelp av dei tilsette.

Bærbuskene gav ikkje så mykje avling, men nokre bær vart det å smake på. Jordbærpyramiden og tomatplanten var bra.

Kommunen skulle sørge for ny markise utanfor sjukeavdelinga, og dette kom på plass no på seinsommaren. Det  kom også opp eit gjerde for å avgrense området. Dette er eit midlertidig gjerde, og det er viktig at dei tilsette og administrasjonen ved Sjukeheimen og Loftet får uttale seg om kvar gjerdet skal gå og korleis det skal sjå ut. For pasientane er det sjølvsagt godt med rikeleg med plass.

Vi hadde også planlagt ein paviljong som skulle settast opp i hagen. Denne er no bestilt som byggesett og skal settast opp på dugnad til våren.