Laurdag 27. juli var det klart for ny feiring i Valldal. Veret var som vanleg på vår side, og utruleg mykje folk samla seg på Sylte torg. Også i år var Valldal bygdekvinnelag med på arrangementet, saman med Helselaget, Lions og idrettslaget.

Solveig og Nelly var våre representantar i komiteen, og alt har tilsynelatande gått på skinner! - Men det har blitt mange dugnadstimar til planlegging, røring av jordbær, lage vaffelrøre og gjere nødvendige innkjøp. Og på laurdagen var mange medlemar aktive med sal av matbillettar, i vaffelbua, pølsebua og med rømmegrautsal. Og også med opprydding til slutt.

Vel blåst til alle saman!