Denne gongen gjekk turen i og omkring sentrum. Der gjekk vi ein times kveldstur i strålande haustver. Temperaturen hadde vore rundt 20 grader på dagtid, men det vart litt kjøleg når sola gjekk ned.

Vi gjekk runden opp Olavsgata, om Elvebakken Camping og eit lite stykke på riksvegen. Så tok vi over Berdalsbrua og ned Bedringens veg. Flott å gå langs Valldøla. Vidare gjekk vi mot Muri og tok Strandpromenaden innover til sentrum. Då fekk vi sjå både det nye hotellet som ligg fint til ved sjøen og elva, og den nye Bunnprisbutikken.

Turen slutta ved Sylteormen Bakeri der vi skulle ha medlemsmøte !