Snø og Granskog

Av Tarjei Vesaas

Tale om heimsleg

Snø og granskog er heimsleg

Frå fyrste stund er det vårt

Før nokon har fortalt det, at det er snø og granskog

Har det plass i oss

Og sidan er det der, heile, heile tida

Meterdjup fonn kring mørke tre

Det er for oss

Innblanda i vår eigen ande

Heile, heile tida

Om ingen ser det, har vi snø og granskog med

Ja, lia med snø,og tre ved tre så langt ein ser

Kvar vi er, vender vi oss imot det

Og har i oss en lovnad om å koma heim

Koma heim, gå bort der

Bøyge greiner og kjenne så det fær i ein

Kva det er å vara der ein høyrer til

Heile,heile tida

Til det er slåkt i våre innlandshjarte