Kurs i vossakling
Lær å laga tradisjonsbakst med Bjørgum Bygdekvinnelag
Bjørgum Bygdekvinnelag skipar til ein-dags kurs i vossakling. På kurset får du læra å laga smørja, knåa, nekabrød og sjølve klingen.
Varm lunsj er inkludert i kurset.
Kursavgift: kr. 900,- og kr. 600,- for medlem i bygdekvinnelaget.
Bindande påmelding innan 1.april.
Vert det stor pågang lagar me til ein ekstra kursdag sundag 12.april.
Ta med bakeforkle, innesko og ein boks til å ha kling i - dette vert kjekt !
- Helsing oss i BBK si bakegruppe -
Kling er festmat. Det vert laga til barnedåp og bryllaup, men kan sjølvsagt og brukast til andre høgtidsstunder.
I krinsen vår har me fleire dyktige damer som har laga og framleis lagar vossakling av beste kvalitet. Laget vårt har skipa til fleire kurs i kunsten å laga kling.
Framgangsmåten når ein smørjer kling er lik for alle oppskriftene. Smør først meierismør på heile leiven. Pass på at smøret er passe mjukt. Smør klingsmørje på halve leiven, brett over og klypp av ein smal kant rundt heile leiven. Då får du jevn og fin kling. Klypp so opp i passelege firkantar.