Takkebakstkurs
Også karane var representerte, ved Matias Hope
Utkjevling av klingebrød
Dei ferdigsteikte klingebrøda
Brita Hope i gong med utbaking
Anne Berit Selle kjevlar ut
Britt Kristin Mjellem i gong med utkjevling
Steiking på takka.
Tone Merethe Ommedal bakar ut.
Liv Holme viser den eine gruppa.
Heile gjengen i arbeid
Margunn Solheim testar ut sitjande utbaking
Måtte halde oss oppdaterte på skisport undervegs
Ferdig utkjevla leiv. Kan visst ikkje bli for mykje mjøl.
Greit med maske mot mjølstøv
Gerd Heimseter Aa er fornøgd med utkjevlinga
Steiking
Stabel med klingebrød nederst og flatbrød oppå
Kursdeltakarane samla for informasjon på starten
Emner klare til utbaking
Ferdigsteikt stabel
Utstikking av emne. Norgesglaslokk med "mage"
Oversikt innover mot kiosken
Margunn Solheim likte kurset
Matpause med betasupe
Judit Aa har oversikt over om nokon treng hjelp
Takkebakstkurs
Laurdag 4. mars arrangerte bygdekvinnelaget takkebakstkurs på Nesholmen frå 10-16.
Det lenge etterspurde takkebakstkurset var fullteikna, og kursdeltakarane var einige om at det var spennande og lærerikt - og heldigvis ikkje så vanskeleg som mange hadde sett føre seg. Dagen starta med at kurshaldarane Liv Holme, Judit Aa og Hilde Aa forklarte og tok imot (mange) spørsmål om deigen/knøda, og hjelpte til å sjekke når knøda var passe. Ein måtte kna ganske lenge, men det var ikkje like tungt og vanskeleg som ein del hadde fått fortalt på førehand. Vår knøde til klingebrød/fiskebrød inneheldt berre poteter og sikta kveitemjøl. Emne stakk vi ut med Norgesglaslok, med litt "mage" på. Så var det utbaking, ikkje for tjukt, ikkje for tynt. Her lærte vi at det var berre å pøse på med mjøl; "litt" på klingebrødbaking er ikkje det same som "litt" på pepperkakedeig eller bollar! Snuing og å legge på takka var noko av det vanskelegaste, men så var det heldigvis ikkje så vanskeleg likevel når ein berre fekk prøvd seg litt fram, og øvd seg på å treffe. Steiking gjekk bra radigt og vi fekk merke både korleis for lite steikt og for mykje steikt såg ut. Deretter var det ein lang og god matpause med velsmakande betasupa, og litt direktesending frå ski, før vi gjekk igong med flatbrød. Her hadde kvar av dei fire gruppene ca 3 liter potet, og trengde dermed ca 2 l mjøl, grovmjøl denne gongen. Elles var det meste likt. Mange uttrykte at det var fint å få prøve såpass mykje, og at det var greit å lage to ulike ting, og mange var interessert i å lære lefser seinare.