Flinke damer har halde kursrekkje for born som går på mellomsteget i skulen. 

Arrangementet har strekt seg over fire gongar,  to i vår og to i haust. Det var 15 born som deltok. 

Dei har verkeleg kosa seg. Dei har måla fuglekasser, sådd gulrot og vårblomster, lært gamle borneleikar, laga god mat på bålpanne, plukka bær og laga syltetøy, ridd på hest og laga fuglemat av smelta feitt, havregryn og nøtter. 

Det er store planar for vidare kursrekkje. Neste gong vert det lagt opp til at den enkelte av borna kan melde seg på bestemte kurs som handlar om tradisjonsmat og tradisjonelt handtverk. Vi gler oss til å sjå kva dei flinke damene får til 🧡