Alltid stas å møtast til matlaging og sosialt fellesskap
Stor gjensynsglede, latter og moro då Bygdekvinnene og damene frå JoinUs møttest til årets første matlagingskveld 2026 i i Bygdastauå
Kyllingtaco med tomatsalsa, mangosalsa og guacamole - alt laga frå botnen av og krydra med heimeblanda tacokrydder var på menyen denne kvelden.
Dessert høyrer også med, alltid! Denne gongen iskrem med lune bjørnebær - ei fin avslutning på eit fantastisk måltid!
At å møtast til matlaging og sosialt er triveleg, er det ingen tvil om! På desse kveldane er vi som regel 25 - 30 damer i Bygdastauå. Nye kjem til, men mange av desse damene har vore med oss lenge no. Sagt på ein annan måte - vi er ei fin samling av damer som etter kvart har lært kvarandre å kjenne og trivest godt i lag.
Matlagingskveldane er eit samarbeid mellom stiftelsen JoinUs og Gossen Bygdekvinnelag for å lage møteplassar, bli kjent og føle seg inkludert i lokalsamfunnet. Alle skal kjenne at dei høyrer til!
https://www.stiftelsenjoinus.no
