2025 er Friluftslivets år, og frå 6.-14 september er det Friluftslivets veke.
10. september feirar me Turmat frå heile verden-dagen.
Dette er dagen for å koma seg ut på tur og nyta mat frå ulike kulturar.
Hjelmeland Turlag og Hjelmeland Bygdekvinnelag inviterer til eit felles måltid ute i naturen .
Me feirar dagen i Eventyrskogen i Årdal. Der er det fleire gapahukar me kan vere i, bord og benker ute, og fleire bålfat der me kan varme mat eller drikke.

Me møtes på parkeringsplassen til Eventyrskogen kl 17.00 og går i lag inn i Eventyrskogen, finn oss plass til å lage og/eller ete mat frå «heile verden» - i alle fall fleire ulike land/kulturar.
Ein må rekne ca 1/2 time frå parkeringsplassen til der me samlast i skogen.

Arrangørane har med litt mat, smaksprøvar av nokre ulike rettar.
Har du noko god turmat du vil dele med fleire er du velkomen til å ta med litt meir enn du et sjølv.
Ta elles med sitjeunderlag, noko å ete maten i og med. Og noko til å drikke i. Hodelykt kan og vere lurt å ha med pga at det skumrar tidlegare inne i skogen enn ute i ope landskap

Informasjonen kan bli oppdatert fram mot arrangementet.

Kontaktperson Hjelmeland Turlag: Svanhild Hjorteland Gbada, tlf 97007636

Arrangementet har fått støtte bla frå Ryfylkefondet.

Hjelmeland kommune si Kodejakta 2025 har kode i Eventyrskogen, så du kan få med deg ein kode også dersom du blir med oss denne kvelden,